Vate, n° 54

Vate, n° 55 [Kurdî, İstanbul, 2018]

Vate, n° 54 [Kurdî, İstanbul, 2017]

Vate, n° 53 [Kurdî, İstanbul, 2017]

Vate, n° 51 [Kurdî, İstanbul, 2017]

Vate, n° 50 [Kurdî, İstanbul, 2016]

Vate, n° 54

Deniz Gunduz

Vate

Înşalah ti baş î. Mamostayê ma ewro ma ra va ke “Yew embazê xo rê mektube binuse, kam ke ho dûrî de ey rê binuse.” Badê cû sewbîna çîyî zî va, labelê mi ucayî zaf goşdarî nêkerd. Dûrî de embazê mi çin î, ti ameyî vîrê mi, dûrî de tena ti estî.
Dîyarbekir dûrî yo Yaqûb?

Mi gore dûrî yo willayî. Çunke şima tena hamnanan yenî dewe, eke nêzdî bîyêne şima zimistanan zî ameyêne, belkî ez zî ameyêne uca. O semed ra ez ha to rê nusena. Mi kesî ra nêvat, înşalah Umer zî to rê nênuseno. Eke mektuba mi rind bo, mamosta dano postexaneyî, to rê şaweno. Ti zî mi rê binuse Yaqub, beno?

Ti zanî Yaqûb, pîyê mi zî ho Dîyarbekir de, a roje pîrika mi va. Y ew roja ke vewre vareyêne pîyê mi ma rê yew fotografê xo şawit, yew zî yew qert. Serê qertî de banî estî, çi nêmanenî banê ma. Her ca zî kesk o, mi ê darî hema newe dî. Mi qert û fotografê pîyê xo girewt, mîyanê defterê xo de nimit. Wexto ke ti ...

Tedeyî

7 / Wendoxan rê
11/ Fecir - Hesen Polat
15 / Sipî û sîya – Bedrîye Topaç
17 / Eşqê gêjî - Murad Canşad
23 / Bîro kor - Alî Aydin Çîçek
25 / Destpêkê kırmanckîya nuştekî û kovara tîrêje - J. Îhsan espar
29 / Newzad valêrî ra, çar çekuyî û çar şîîrî
31 / Mamosta şahab valî reyde yarsanan ser o roportaj - Roportajkerdox: Ugur Sermîyan
45 / Îbrahîm beyazî ra di şîîrî; xwezîla, hevalo
49 / Efsaneyê gola Gocigî û kayê mume - Mistefa gomayij
53 / Şeyda asmîn ra di şîîrî
55 / Ma kederinîye rê sebeb lazım o? - Akman gedîk
59 / Deyîrbazêko erjaye: Cumo Aşik (1926-2010) - Recaî Gulşen
65 / Cındî - Turabî Kîşîn
73 / Mintiqaya Pîranî ra çend deyîrî - Abdulsemet Sever
81 / Dengbêj Tekîn Morsumbulî reyde roportaj - Roportajkerdox: Alî Aydin Çîçek
93 / Waya hewt bıraran - Arêkerdoxe: Fîrûzan Demir
101 / Hîkayeyanê Murad Canşadî de sifetê pêtkerdişî û çekuyê diletî - Mehmud nêşıte
127 / Rîpelê kitaban

WENDOXAN RÊ

Wendoxê delalî,
Ma hîrê aşman ra pey bi hûmara 54. ya kovara Vateyî reyna pîya yîme. Herçiqas ke hûmara yewine ser ra vîst serrî ra vêşêr wext şîyo, hema zî ma her hûmara newa ya kovara Vateyî bi heskerdiş û bi zerrîyêda weşe amade kenîme. Bêguman gelek sebebê nê motîvasyonê ma estî la înan ra tewr muhîm, ma vînenîme ke bi ziwanê ma hêdî-hêdî bo zî eserê edebî yê bi kalîteyî nusîyênî û xebatê îlmî yê erjayeyî benî.

Kirmanckî de tezê masterî yo verên endama redaksîyonê ma Nadîre Guntaş Aldatmaz folklorê kirmanckî ser o Unîversîteya Artukluyî de, 2013 de amade kerdbi. Emser di tezê masterî yê bînî Unîversîteya Artuklîyî de qebul bîy. Inan ra tezê Pinar Yildiz bi nameyê “Mehelî û Kirmanckîya Inan" hetê Weşanxaneyê Vateyî ra sey kitab neşr bîyo. Reyna tezê Weysel Hanyildizî bi nameyê “Bi Tarixê Nusîyayena Xû Ya Tewr Kebenê Çekuyê Kirmanckî (Zazakî) 1798-1903)” qedîyayo û ma hêvî kenîme ke demêde kilm de o zî sey kitab biweşanîyo.

Ma wazenîme şima wendoxanê delalan muhtewaya nê di tezan ra xeberdar bikîme û hêvî kenîme ke nê tezî biwanî û munaqeşe bibî. Pinar Yildiz kirmancanê derûdorê Qerecdaxî ser o xebitîyaya. Seke Pinar zî nusena xebera vêşaneyê kirmancan zî kirmancanê (zazayanê) na mintiqa ra çin a. Dewê kirmancan yê na mintiqa resmîyet de pabesteyê Dêrika Mêrdinî, qezaya Dîyarbekirî Çinar û Şaredarîya Rezan ya Dîyarbekirî yê. Bi na xebate ma hem kirmancanê na mintiqa nas kenîme hem zî tayê taybetîyanê kirmanckîya înan musenîme. Zafaneyê nê kirmancan eşîra mehelîyan ra yê. Mavajîme 80 dewê kirmancan derûdorê Qerecdaxî de estî înan ra 74 dewî yan zî mezrayê eşîra mehelîyan ra yê. Goreyê melumatê fekkî, bawkalê eşira mehelî verê Iraq ra şîyo mitiqaya Çewligî û ...

Fecir

Hesen Polat

Yaqûb,
Înşalah ti baş î. Mamostayê ma ewro ma ra va ke “Yew embazê xo rê mektube binuse, kam ke ho dûrî de ey rê binuse.” Badê cû sewbîna çîyî zî va, labelê mi ucayî zaf goşdarî nêkerd. Dûrî de embazê mi çin î, ti ameyî vîrê mi, dûrî de tena ti estî.
Dîyarbekir dûrî yo Yaqûb?

Mi gore dûrî yo willayî. Çunke şima tena hamnanan yenî dewe, eke nêzdî bîyêne şima zimistanan zî ameyêne, belkî ez zî ameyêne uca. O semed ra ez ha to rê nusena. Mi kesî ra nêvat, înşalah Umer zî to rê nênuseno. Eke mektuba mi rind bo, mamosta dano postexaneyî, to rê şaweno. Ti zî mi rê binuse Yaqub, beno?

Ti zanî Yaqûb, pîyê mi zî ho Dîyarbekir de, a roje pîrika mi va. Y ew roja ke vewre vareyêne pîyê mi ma rê yew fotografê xo şawit, yew zî yew qert. Serê qertî de banî estî, çi nêmanenî banê ma. Her ca zî kesk o, mi ê darî hema newe dî. Mi qert û fotografê pîyê xo girewt, mîyanê defterê xo de nimit. Wexto ke ti ameyî ez mojnena to. Serê zerfe de nameyê pîyê mi esto, binê nameyî de Hepisxaneyê Dîyarbekirî nuşte yo.

Hepisxaneyê Dîyarbekirî şima ra nêzdî yo Yaqûb?
To çi rey pîyê mi nêdîyo. Eke to bidîyêne belkî şima kuçe de rast ameyêne, ey ti ca de şinasnayêne. Mi zî pîyê xo hema nêdîyo. Mi ra vanê to dîyo, labelê ez o wext zaf qij bîya, nêyeno vîrê mi. Ez hende Wisifî bîya o wext, wa senî bêro vîrê mi? Wisif zî bîyo gird Yaqûb? Wa hinî o zî ma de kay bikero.

.....

Vate, n° 54

Deniz Gunduz

Vate

Weşanên Vate
Vate, Kovara Kulturi
Dewreyo dîyin, hûmare: 54, Payîz 2017
Wayir / Sahibi
Deniz Gunduz

Serredaktor
J. Ihsan Espar
Redaksiyon
Nadire Guntas Aldatmaz,
Nureddîn Celalî, J. Ihsan Espar

Muşawîro Malî Berpirsiyar
Îhsan Sevîn

Tekiliya Almanya:
M. Bektas
Postfach: 42 01 06,
12061 Berlin / Almanya

Têkiliya Swedê
Eksatravagen, 186,
S-127 61 Skarholmen / Sweden
E-mail: ihsanespar@gmail.com

Têkiliya Hollanda
Ferhat Boskan
Delfzijlstraat 81
6835 CM Arnhem / Holland
E-mail: ferhatboskan@gmail.com

Șertê aboneyîye
Welat serrek / 6 aşmî
Tirkiya: 40 / TL 20 TL
Almanya. 40 Euro / 20 Euro
Swed. 500 SEK / 250 SEK
Welatê bînî: 80 Euro / 40 Euro
Vaya: 10 TL / 10 Euro

Îlan
Rîpelêk: 100 TL / 100 Euro
Nêmrîpel: 60 TL / 50 Euro
Caregripel: 30 TL / 25 Euro

Resmê Qapaxî: Kerry Madawyn McCarthy
Xebata Qapaxî û Mizanpaj: Minife Yıldızhan

Çap / Baskı: Berdan Matbaacılık
Davutpaşa Cad., Güven Sanayi Sitesi, C Blok No: 239
Topkapı / İstanbul

Adrese:
Vate
Beyoğlu / İstanbul
Tel: (0212) 244 94 14
e-mail: wesanxaneyevateyi@hotmail.com

Üç aylık süreli yaygın dergi
Berpirsiyariya her nuşteyi ya nuştoxi /nuştoxe bi xo ya.