Mirî ranazin

Mirî ranazin [Kurdî, İstanbul, 2000]

Ölüler Uyumaz [Türkçe, İstanbul, 1998]

Mirî Ranazin [Kurdî, Stenbol, 2013]

Mirî ranazin

Di vê kitêbê de mirî ranazin; dîn, ji xwe re komara ava dikin û li ser jiyana we zindiyan planan çêdikin. Çîrok, bi xewn û tirs û xeyaleke fireh û tûj pêçayîne. Helîm Yûsiv, bi zimanekî şahîk û nerm, çîroka welatekî jibîrbûyî dibe qonaxeke nû, derbasî warê nûjeniyê dike.

Ji bo Apê Mûsa Anter
Tê bîra te...
ew dara ku te li hewşa xwe
çandibû vaye... di ser dîwaran re
şaxên wê gihîştine hewşa
me jî li Amûdê.

Naverok

Mirî xweşik in

Guhê jêkirî / 11
Ava şîn / 19
Bêhna qedexe / 27
Gula omeriyan Têlo / 33
Keldûman / 43

Mirî ranazin

Li Şermola / 55
Reşikê şevê / 59
Dilê bêderî / 71
Komara dînan / 79
Çiroka dawî / 107

Mirî xweşik in

Guhê jêkirî

Kêlîka ku ket derî, devê diya wî bi gazekê ji hev vebû: –Lawo kanî guhê te Remo... Rebeno?!
Bi dengê diya wi re destê wî dirêjî cênîka wî bû. Tiliyên wî li şûna guhê wî yê çepê vala çûn û hatin. Remo veciniqî. Çavên wî çûn nava serê wî, diya wî bi herdu piyên wî girt. Bi çavên mişt pirs li dewsa guhê windayî nerî. Serê wî zîvirand. Guhê rastê di cih de bû. Lê hinekî sor bûbû, gotinên diya wî mîna dilopên tirsê bi ser de hatin xwar:
– Qey naêşe lawo, kê wilo kir ji te Remo?
– Na, naêşe sibe ezê herim cem bijîşk.
Lê (sibe) nehat û... nehat.
Raket, rabû dît ku hîn şev e. Demjimêr digeriya. Bû heft. Bû deh. Şev neçû. Rojek din çû lê roniyê neda ser reşahiyê. Ji nişkê ve bû qerebalix. Xelk derketin nava gund û li çareyekê geriyan ku ji vê rewşê derkevin. Bû xire cira gundiyan:
– Ka em çi bikin?!
Hinek beziyan mizgeftê û dest bi nimêj û gaziyan kirin. Hineka rojî girtin şekir û berx kirin "sedqe." Sibehê disa ro nehat der. Teneke derxistin. Bi dar û bêran kirin teqereq. Wek berê dema ku heyv veşartî dima. Vê carê ne heyv ne stêr ne jî ronahî tiştek nedihat xuyakirin. Her xort in dişandin bajarên dûr ji bo ji reşahiyê rizgar bibin. Wan jî ev bersiv bi xwe re dianîn:
– Ev karê Xwedê ye... ev ne karê me ye!..
Bi vî awayî gund bûbû kulmek tenî.
Dizî pirr bû, kuştin zêde bû, kertfiroşên şensê (yanesîb) bûn bisedan. Boyaxçî, ettar, dendikfiroş, namûsfiroş, cûzekar, qumarçî, qaçaxçî, bazirganên bêbext, sikakên gund tijî gemar bûn...

Helîm Yûsiv
Mirî ranazin

Avesta
avesta | Çîrok 9 | 1
Mirî ranazin / Helîm Yûsiv

Edîtor: Abdullah Keskin
Dizayna bergê: Ahmet Naci Firat
Tîprêzî û mîzanpaj: Avesta
Çapa yekem: 1996
Çapa duwem: 2000
Çap: Berdan Matbaacılık

© Weşanên Avesta, 1996
Ji xeynî danasînê bêyî destûra weşanxanê bi tu awayî nayê kopîkirin

Avesta basın yayın reklam tanıtım müzik dağıtım ltd. şti.
Meşrutiyet caddesi
Özbek işhanı 136 / 4
Beyoğlu / İstanbul
Tel. (0212) 251 71 39
Faks: (0212) 251 44 80

İstasyon caddesi, K İsmail Paşa 2. sokak
Abdi Paşa Apt. giriş Katı
Ofis / Diyarbakır
Tel—Faks: (0412) 222 64 91

ISBN: 975-7112-04-6