|
KERR Û KÛLIKÊ SILÊMANÊ SILÎVÎ
Berhevkir û hazirkir H. Cindî
Ew Silêman berê ew jî kurapê Emer axa bû. Îcar ew ji ba Emer axa xeydî, rabû çû nava Ereba: bal Hesê Dûdê bû xulamê wî.
Îcar nava ereba talan, tirs bû, wekî diketin pey talana vedigerrandin. Îcar ew Silêman qaçax bû: navê wî derket. Îcar xelqê mîrê ereba gava arê wana digiryan, digotin: "Hișbin Silêman hat".
Wekî Silêman hat wêderê, qîzekê navê wê Werdek bû, qîza Hesê Dûdê. Rabû qîza xwe da Silêmîn ra: Silêmin bû zave Hesê Dûdê.
Sala wî wekî temam bû, jêra kurek bû: îcar hatin oda Hesê Dûdê, mizgînî dan, wekî, "Navê nevyê te çi daynin!"
Yek got: — Eh!
Yek got: — Husêyin!
Herek ji xwe ra navek lê kirin.
Hesê Dûdê go:—Silêmîn, tu navê kurê xwe bi eşq û dil çi datînî?
Go: — Navê kurê min xwedê danye!
Go: — Çi navî?
Go:—Kulik!
Du salê wî wekî temam bû, jê ra kurek jî bû. Disa hatin heryek navek lê kirin. Disa Hesê Dûdê ji Silîmîn pirs kir, go:
— Navê kurê xwe çi datînî?
Go: Xwedê daye, navê wî jî Kerr!
Îcar ma wekî kûrê wû bûn 4-5 salî, îcar rabûn nava kuçê da geryan; sere zara şkenandin. Bavê zara hatin cem Silêmîn, şikyat kirin, gotin:
— Heyran, kurê me ho dewar nînin, em girêdin, tembî bike kurê xwe, bira li zarê me nexin.
Îcar ma êvarê, wekî kurê wî hatin malê, go: — Kûro, we îro serê cend zara şkandye?
......
| 
