Qehweyek li gel wî

Auteur :

Présentation	Table des Matières	Introduction	Identité	PDF
Qehweyek li gel wî Zilameke ji çav lê belê mixabin... wan ateşgehan nabîne ku di hebûna min de vêxistiye tiştekî jî nabêje! Keseke ji nêrînê lê belê seyr e di germa şeydabûna min de hîna ji hiş xwe neçûye û nedinale! Min qewha xwe ya tal bi şekirê axaftinên wî vexwar Min qehwa xwe ya reş bi rengê çavên wî yên kal firda Min qehwa xwe ya germ bi fênikiya girnijîna wî re bi dawî kir



Kejal Ehmed-Di sala 1967an de, li şarê Kerkûkê ji dayik bûye. Lê ew bixwe wek malbat xelkê şarê Silêmanî ye. Tevayî salên xwendina xwe li Silêmanî bi dawî kiriye û diploma ji Peymangeha Hunerî ya Silêmanî beşê Parêzgarî wergirtiye. Di sala 1986an de dest bi nivîsîna şi`rê kiriye. Şi'rên wê bo gelek zimanan hatine wergerandin. Ji sala 1992an de û heta niha, rojnamegerî dike û niha sekretêra nivîsînê ye di rojnama Kurdistana Niwê de. Xwedî çalakiyên berçav e di mafê jin û civakê de. Gelek gotar nivîsiye di vê derbarê de û çend sempozyum, seminer pêşkêş kiriye û xwedî bernameyeke taybet e bi jinên kurd di jêr navnîşana "Ji her baxekî jinek", di Kurdsat TV de. Berhemên wê yên çapkirî: - Bendera Bermoda (Şi`r, Weşanên Zamwe, Silêmanî, 1999) - Gotinên gotinê (Şi`r, Weşanên Rêxistina Lawên Mîdya, Silêmanî, 1999) - Kitêba jinê (Gotar û lêkolîn, Weşanên Serdem, Silêmanî, 1999) - Qehweyek li gel wî (Şi`r, Weşanên Wezareta Rewşenbîrî, Silêmanî, 2001) - Min eynek şikand (Şi`r, Weşanên Wezareta Rewşenbîrî, Silêmanî, 2004) - Nasnameyên bukuj (Wergera kitêba nivîskarê Ereb Emin Elmeilûf, ji erebî bo kurdî, 2003) Şi`rên di vê berhevokê de ji kitêbên wê hatine bijartin.