La bibliothèque numérique kurde (BNK)
Retour au resultats
Imprimer cette page

Gemal


Auteur : Xusrew Caf
Éditeur : Avesta Date & Lieu : 2004, İstanbul
Préface : Xusrew Caf Pages : 184
Traduction : Firat Kelehkî | Şikriya Salih ISBN : 975-8637-41-X
Langue : KurdeFormat : 130x195 mm
Code FIKP : Liv. Ku.Thème : Littérature

Présentation
Table des Matières Introduction Identité PDF
Gemal

Gemal

Xusrew Caf

Avesta


- Vê carê ne weke carên pêşîn e... bê rahm hatine. Xwe bilebitîne, ne dema galegalê ye! Me bigrin wê çermê me ji me vekin!..

- Xwedê yek e û nabe dido, heya ez ji vê kolanê dernekevim ez nalebitim!

- Xem nake nelebite... lêbelê were derve û temaşe bike... Her gund e û bêhna şewatê digihîje esmanan, axir zeman e, axir zeman!.. Selma qop e, piştiyek avêtiye ser milê xwe û dixwaze ji deriyê hundir ve derxe derve... Piştiyê werimî di vî alî û wî alî derî de ma asê, her çiqasî li ber xwe dida nikarî bû derxe... qîjand... çima tu mayî şaş, va ye tu min dibînî... dafekê lêde?

Ferecê heya wê demê bi qevelîskan rûniştî ku ji piştiyê Selma şaş mabû, rabû û dest û sînga xwe da bi piştî ve. Selma jî mîna gayê cot gêsinê wê li ber aliqî û piyê xwe li zeviyê asê kiribû, demarên stûyê wê derketibûn... Her zor dida xwe û piştiyê ...



PÊŞGOTIN

Bawer bike ku serê xwe li ser mil û gerdena xwe nerm nerm dilivand û hino hino bêhna gerden û bin guhê xwe dikir behna çend mûyên xerman î zêrin en zulfên perîşan û piştrastbûnê ji çavê xwe yê zîq bi difre vedikir û tiriya xwe nerm û nazik di ser sing û bere xwe yê qelew û gilover û bi goşt re dibir û diani... min digot, sed xwezî bi wî... bi naz û nîmeta wî û bi rêz û hurmeta wî...

Xelet ji min fam nekî... neke ku wiha bizanî ez dijî mafê ajel (heywan) im, na înşelleh belki ez xwe bi sersipurde û kemergirêdana her mafekî rewa dizanim, bê temaşekirina reng û deng û sima û regez, heya bi mafê mêş û pêşî û megez...

Vêca ezîz, ez şerqiyekî derbider, bazdayiyekî vî aliyê û wî aliyê gelek beşer, hêvixwestinê bi rewa dizanim û rewa ye. Ez bi nêta jiyana baştir û aramî bêhtirîn di vê dawiya dawî de yek du salên din di vê qeraxa Ewrupa de dîsa min xwe aware kir û min xwest ez jî ji mişkileyan dûr ji bo her dem pîvana xwe bigirim û tenê ji bo seredan vegerim... Min bi xwe re gelekî milmilane kir û ya dawî xweşikbûn û ciwaniya Ewrupa û xwarina wê nikarin min ragirin û vegeriyam û min nikarî...

Demek bû ketibûm hezkirina ramaneke wiha û xew û xwarin û xeyal jî bi xwe ve girtibû. Di serê de diçûm nav park û baxên giştî û bi sipehî û hûrî ve bigre û berde û derdeseriya derûnî ya Rojhilatî û Asyayî û Afrikayî min daniştvanê ser kursiyê textî dixist jêr çavdêriya şîrovekirinê...Heya çend heyvan ev karê min bû... Di vê dawiya dawî de baweriya min bi wê şîrovekirina dûr û bi dizî nema û ez bi xwe ketim wî pestî... Heman nexweşî... heman xwelîserî, heman derbiderî bi wê hestê min dest bi Gemal [kuçik] kir... Gemal kudike berê wan janan e, Gemal şevbûhêrka tirs û taliya wê demê ye, Gemal neynika şîneke bêdeng û wê xemê ye.

Ez bi te re me... Ev roj gelekî bi derd û azar im, ev jîn pir bi hetk û mişkile ye... lê belê ji bîra te neçe her çawa be kevir di ciyê xwe de giran e...

Xusrew Caf




Fondation-Institut kurde de Paris © 2019
BIBLIOTHEQUE
Informations pratiques
Informations légales
PROJET
Historique
Partenaires
LISTE
Thèmes
Auteurs
Éditeurs
Langues
Revues