Bîra Birînê
Fatma Savcı
Avesta
Gere te ji bîr nekiribaya ku
em ê li her derê xerîb bin
xem nake.
belkî em di xewna şevê de
li beharekê
liqayî siwariyê berê werin
ew çîrokên li dûr
xeyalên kûr bikin paşila me...
piştî siwariyan
genim bide newqa me,
em milek şoqila çûkan bidin hev
beybûn li cil û rûyê me vedin...
ji destên te, bîna kevzê tê,
tu ji kîjan çemê xewnê tê dîsa?
Fatma Savcı, di sala 1974an de, li gundê Girêmîra ku li ser Nisêbînê ye, hatiye dinê. Dibistana seretayî li Grrêmîra xwendiye. Demekê şervanî kiriye û di sala 1992an de hatiye girtin. Di dadgehâ de, parastina xwe bi zimanê kurdî kiriye û panzdeh sal ceze wergirtiye. Çîrokên keç û kurên heşt girtîgehên ku lê maye dane hev. Di sala 2003yan de, bi dîwaneke helbestan ku li ser pelên cixarê nivîsîbû, ji bo bikaribe veşâre, derketiye derve. Dîwana “Gulên Qasid" ku di sala 2006an de, ji weşanxaneya Avestayâ derket, encama vê xebatê ye. Di sala 2007an de pirtuka wê ya duyem ya helbestan “Xewnên Zivin" jî ji heman weşanxaneyê derçûye. "Bîra Birine" pirtuka wê ya sâyem e. Niha di çavên xerîbiyê de nivîsâ didomîne.
| 
