VersionsTêkoșer, n°43 [Kurdî, Bruxelles, 1989]
Dossier Kurdistan [Français, Bruxelles, 1988]
Têkoșer, n°42 [Kurdî, Bruxelles, 1988]
Têkoșer, n°41 [Kurdî, Bruxelles, 1988]
Têkoșer, n°40 [English, Bruxelles, 1988]
Têkoșer, n°39 [Kurdî, Bruxelles, 1988]
Têkoșer, n°38 [Kurdî, Bruxelles, 1987]
Têkoșer, n°37 [Kurdî, Bruxelles, 1987]
Têkoșer, n°36 [Kurdî, Bruxelles, 1987]
Têkoșer, n°35 [Kurdî, Bruxelles, 1987]
Têkoșer, n°34 [Kurdî, Bruxelles, 1986]
Têkoșer, n°33 [Kurdî, Bruxelles, 1986]
Têkoșer, n°32 [Kurdî, Bruxelles, 1986]
Têkoșer, n°31 [Kurdî, Bruxelles, 1986]
Têkoșer, bilan 1985 [Français, Bruxelles, 1985]
Têkoșer, n° 30 [Kurdî, Bruxelles, 1985]
Têkoșer, n° 29 [Kurdî, Bruxelles, 1985]
Têkoșer, n° 28 [Kurdî, Bruxelles, 1985]
Têkoșer, n° 27 [Kurdî, Bruxelles, 1984]
Têkoșer, bilan 1984 [Français, Bruxelles, 1984]
Têkoșer, n°32
M. Nezih Yalçın
Têkoșer
Di hejmara buhurî de ez li ser astengên (bi tirkî: Engel) yekîtiya Kurdan peyivî bûm. Nuha jî, ez dîtina xwe bi kurtî li ser rewşa Kurdan li Ewrupa dibêjim.
Berê çend salan min bawer dikir ku ji sedema hin serbestî û alîkariyên ku hikûmet û rêxistinên ewrupî didin me ewê Kurd karibin li Ewrupa gelek tiştan bikin. Lê mixabin, hêdî hêdî min dît ku hin tişt li vira çêbibin jî, xebat li Ewrupa ji Kurdistanê gelek dijwartir e! Ji bo ku dema ku meriv ne li ser axa xwe be ji koka xwe vediqete û dibe weka gul yan dara ku ji rihên xwe tê jêkirin û di cihekî dûr û cihê de tê çikandin. Ango, meriv bi vî awayî jînyariya xwe hunda dike û di civaka biyanî de cihê xwe yê xwederî ...
Naverok
Kurd li Ewrupa, Pervîn / 3
Rêzimana Kurdî (V): Dengdar, Celadet Bedir Xan û Roger Lescot / 4
Axaftinek: Kurdistana Tirkiye, Şerafettin Kaya / 9
Darên Kurdistanê, Yalçin / 10
Dîroka Kurdistane di Ansîklopediya Islamê de (V) / 12
Alîkariya Civaka Biyaniyan (III), Derwêş / 16
Çîrok: Guroso, Mihdî / 17
Zimanê Kurdî (I), Fuad Hama Xorşîd / 18
Xebata Me / 22
Tekoşer'den Haberler / 23
Sommaire
Les Kurdes En Europe, Pervîn / 3
Grammaire Kurde (V): Les Consonnes, C. Bedir Xan et R. Lescot / 4
Conference: Kurdistan de Turquie, Şerafettin Kaya / 9
Les Arbres Du Kurdistan, Yalçin / 10
L'histoire du Kurdistan Dans l'Encyclopedie de l'Islam (V) / 12
L'aide Sociale Aux Immigres (III), Derwêş / 16
Conte: Têtes Rasées , Mihdî / 17
Langue Kurde (I): Origine et Spécificité, Fuad Hama Xorşîd / 18
Nos Activites Trimestrielles / 22
KURD LI EWRUPA
Pervîn
Di hejmara buhurî de ez li ser astengên (bi tirkî: Engel) yekîtiya Kurdan peyivî bûm. Nuha jî, ez dîtina xwe bi kurtî li ser rewşa Kurdan li Ewrupa dibêjim.
Berê çend salan min bawer dikir ku ji sedema hin serbestî û alîkariyên ku hikûmet û rêxistinên ewrupî didin me ewê Kurd karibin li Ewrupa gelek tiştan bikin. Lê mixabin, hêdî hêdî min dît ku hin tişt li vira çêbibin jî, xebat li Ewrupa ji Kurdistanê gelek dijwartir e! Ji bo ku dema ku meriv ne li ser axa xwe be ji koka xwe vediqete û dibe weka gul yan dara ku ji rihên xwe tê jêkirin û di cihekî dûr û cihê de tê çikandin. Ango, meriv bi vî awayî jînyariya xwe hunda dike û di civaka biyanî de cihê xwe yê xwederî (tebîî) nastîne.
Ne pêwist e ku ez li vê derê li ser pirsên maddî û manewî, ku her biyaniyekî qels dikin yan hildiweşînin, rawestim. Li ser vê babetê me û Kurdên din nivîsiye. Ezê bitenê li ser kartêkirina (tesîr) biyaniyetiyê li ser xebata Kurdan çend gotinan bêjim.
Kurdên ku nuh ji Kurdistanê tên, di destpêkê de û ji sedemên ku me li jor gotin li riya xwe digerin. Hêdî hêdî, ew dibînin ku awayên xebatê ji yên Kurdistanê gelek cihê ne. Ji alîkî li vira bêtir serbestî heye, lê ji alîkî din jî Kurd nikarin bi hêsanî bigihêjin hevdu, ji bo ku ev serbestî, weka kêra ku her du aliyên wê tûj in, aliyê wê yê baş û yê ne baş jî heye. Serbestiya raman (fikir), peyv û tevgerê ferzend (firset) dide ku meriv gelek tiştan hîn bibe, xwe bigihîne, zihniyeta xwe fireh bike û li gora qabiliyet û hêza xwe ji bo pirsa kurdî bixebite.
Lê mixabin, dêmokrasiya rojavayî "serbestiyeke" din a bê sînor û xapînox jî li ber çavan radixe. Vexwarin, jin, film û weşanên cinsî, qumar û jîna rehet gelek xortên kurd, bi hêzanî yên ku ji gund û bajarên piçûk hatine, di pasîfîzmê de dihêlin.
Astengên din jî ev in:
a) Em ne di civaka kurdî de ne û li welatên Rojavayê yên cihê belav bûne û ji hevdu dûr in.
b) Em ji perçe, navçe, gund û bajarên Kurdistanê yên cihê hatine.
c) Di piraniya van welatên Rojavayê de û li Emerîka, Australia, Canada... jimara me hindik e û em di nav van welatan bixwe de jî belav bûne navçeyên cihê. Ji derveyî Newroz û hin cêjn û şevan, ne hêsan e ku em bigihêjin hevdu.
d) Pirsên maddî û manewî, bêrîkirina welêt, ne baş zanîna ziman û zihniyeta rojavayiyan jînyariya me dide hunda kirin.
e) Ronakbîrên me, ji aliyê zihniyet û tevgera xwe, ji karker û kesên nexwenda dûr in. Bi ser de jî, dubendiyên ku di nav van ronakbîran de çêdibin xebata hevrayî radiwestînin yan giran dikin.
Ji bo hemî van sedeman em li gora bernameke kûr û dirêj naçin. Ango, em xebata rojane ji ya herdemî cihê nakin û gelek caran em hêza xwe ji bo tiştên piçûk belav dikin û karê giringtir ji bîr dikin. Dema ku em xebata xwe bê dîsîplîn û bê koordînasyon dikin, piştî zemaneke kurt dilê me pê teng dibe û em jê diwestin.
Ez hêvî dikim ku neweyê (nesl) wêbê karibe ji me çêtir vî barê giran hilîne ser milên xwe û bi saya xwendin û tecrubê kêmasî û çewtiyên me ji nuh de neke.
.....
M. Nezih Yalçın
Têkoșer, n°32
Têkoşer
Kovara Têkoșer
Hejmar: 32, Sal: 1986
Revue trimestrielle
Driemaandelijks blad
Kovara Têkoşer
Yekîtiya Karker û
Xwendekarên Kurd li Belçîka
Têkoșer
B.P. 33 - 1730 Zellik
Belgique
Berpirsiyar:
M. Nezih Yalçın
Komita Nivîskariyê:
Ahmed, Derwêş, Pervîn, Yalçin
Kovar
